Tennis boýunça erkek ýygyndy toparlarynyň arasyndaky Dewis Kubogy ýaryşynda Horwatiýanyň topary ýeniş gazandy.Fransiýanyň Lill şäherinde geçirilen final oýunlarynda Horwatiýanyň düzüminde Borna Çoriç, Marin Çiliç, Mate Pawiç, Iwan Dodig, Fransiýanyň düzüminde-de Luka Puý, Žo-Wilfred Tsonga, Nikola Maýu, Pýer Ug dagy çykyş etdi.
Ilkinji iki oýunda horwatlar ýeňiş gazandy — Çoriç Şardini (6:2, 7:5, 6:4), Çiliç Žo-Wilfredi (6:3, 7:5, 6:4) ýeňdi.Jübütleýin duşuşykda fransiýaly Nikola Maýu bilen Pýer Ug Erber horwatiýaly Mate Pawiç bilen Iwan Dodigi (6:4, 6:4, 3:6, 7:6) ýeňip, umumy hasaby 21-e ýetirdi. 4-nji duşuşykda-da Marin Çiliç bilen Luka Puýyň oýny çempiony belli etdi. 3 setde garşydaşyny 7:6, 6:3, 6:3 hasaplar bilen ýeňmegi başaran Çiliç Horwatiýanyň ýygyndysyna çempionlyk getirdi.
Horwatiýanyň ýygyndysy 13 ýyldan soň, 2-nji gezek Dewis Kubogyny eýeläp, olar ilkinji sapar 2005-nji ýylda bu hormata mynasyp bolupdy.Horwatlar şol ýyl finalda Slowakiýadan (3:2) üstün çykypdy. Şu ýyl 107-nji gezek geçirilen Dewis Kubogy ýaryşynda häzire çenli ABŞ-nyň ýygyndysy iň köp çempion bolan topardyr (32).