Dünýäde senagatlaşmagyň has-da ösmegi howa iberilýän zyýanly gazlaryň mukdaryny artdyrdy.Soňky geçirilen barlaglara görä, kömürturşy gazyny dolulygyna arassalamak üçin 1,2 trillion agaç ekmeli bolar.
Hünärmenler ozal ýok edilen tokaýlary gaýtadan dikeltmek arkaly howanyň arassalanyp bilinjekdigine ünsi çekip, munuň üçin ýeterlik ýeriň bardygyny belleýärler.Daşky gurşawy öwrenmek bilen meşgullanýan doktor Tomas Krowter ýeterlik derejede agaç ekmegiň daşky gurşaw üçin ýel turbinalarynyň gurluşygyndan has täsirli boljakdygyny belleýär.
Krowter we onuň ýolbaşçylyk edýän toparynyň toplan maglumatlaryna görä, eger 3 trillion agaç ekilse, howanyň maýylganlyk meselesi aradan aýrylar.Bu görkeziji ozal NASA-nyň taýýarlan maglumatyndakydan 7 esseden hem köp.
Dürli ugurlarda kömürturşy gazynyň çykarylyşyny deňeşdirýän “Project Drawdown” guramasynyň maglumatlaryna görä, ulanyşdan galan sowadyjylaryň we serginledijileriň gaýtadan çig mal hökmünde peýdalanylmagy tebigatyň arassa saklanmagyna uly goşant goşar.Doktor Krowter häzirki wagtda ýer ýüzündäki 3 trillion agajyň 400 gigatonna kömürturşy gazyny özüne sorýandygyny, täze baglary ekmek arkaly howadaky zyýanly gazlaryň tutuşlygyna ýok edilip bilinjekdigini belleýärler.
Hünärmenler mümkin bolan ähli ýere agaç ekilmelidigini aýdýarlar.Soňky ýyllarda bag ekmegiň ähmiýeti has hem artýar. Ýer ýüzünde ýaşyl zolaklaryň köpeldilmegi üçin iri taslamalar durmuşa geçirilýär.Birleşen Milletler Guramasynyň Milliardlarça Agaç Kampaniýasy (Billion Tree Campaing) hem muňa uly goşant goşýar.